Të shtëna me armë zjarri raportohet të jenë dëgjuar mbrëmjen e kaluar në Vaun e Dejës.
Një 39-vjeçar, për shkak të një konflikti të çastit me një tjetër shtetas ka qëlluar me armë drejt makinës së këtij të fundit, e cila ishte e parkuar në anë të rrugës.
Fatmirësisht nuk raportohet për të plagosur, pasi ngjarja është parandaluar në kohë. Ndërkohë është shoqëruar në komisariat 39-vjeçari për veprime të mëtejshme proceduriale.
“U vu në pranga shtetasi A. L., 39 vjeç, i cili qëlloi me armë zjarri në drejtim të një automjeti të parkuar, në përdorim nga E. P. Në momentin e arrestimit, 39-vjeçari ka kundërshtuar me dhunë punonjësit e Policisë”,- njofton Policia.
