Një ngjarje e pazakontë raportohet të ketë ndodhur në Greqi, ku protagonist edhe këtë herë është një shtetas shqiptar.
Mediat e huaja shkruajnë, se shqiptari, identiteti i të cilit ende nuk bëhet me dije fillimisht ka qëlluar disa herë me armë zjarri në ajër, duke terrorizuar gruan me fëmijën e tij të vogël, dhe fqinjët në lagje. Këta të fundit kanë bërë denoncim në polici.
Pas denoncimit, policia ka mbërritur në shtëpië e shqiptarit, dhe ky i fundit i ka sulmuar me mjet prerës sëpatë, duke lënë të plagosur kështu një prej tyre.
Shqiptari është vënë në pranga dhe është shoqëruar për veprime të mëtejshme proceduriale, ndërsa sipas mediave të huaja rezulton me precedentë penalë në vitin 2019.
