Detaje të reja kanë dalë në dritë nga ngjarja që ndodhi një ditë më parë në Dukagjin ku mbeti i vrarë me armë zjarri Zef Guri dhe u plagos i biri i tij Gjin Guri, përkatësisht 73 dhe 43 vjeç.
Burime pranë grupit hetimor thonë se janë identifikuar autorët e dyshuar.
Martin Qershija, 28 vjeç, Edmond Nika, 29 vjeç, Kujtim Dholla, 25 vjeç, dhe Çesk Serraj, 36 vjeç*, si dhe Gjovalin Guri, dyshohet se janë autorë dhe bashkëpunëtorë në ngjarje.
Sakaq, mësohet se në pyetje në polici janë marrë Martin Qershija, Edmon Nika, Kujtim Dholla dhe Çesk Serraj. Ndërkohë, Gjovalin Guri është djali i xhaxhait, ndërsa është person i shpallur në kërkim më herët për kultivim kanabisi. Kujtojmë se Gjin Gurit në nëntorin e vitit 2021 i është vendosur një sasi tritoli në lokalin e tij në Shosh.
Për të katërt rëndojnë 2 vepra penale “Vrasje me paramendim” e kryer në bashkepunim dhe “Prodhim dhe mbajtje pa leje të armëve të zjarrit dhe municionit”. Tashmë janë njoftuar të gjitha drejtoritë e policive në të gjithë vendin, përfshirë edhe pikat kufitare, për lokalizimin dhe kapjen e tyre.
