Konferenca e Kryetarëve do të mblidhet ditën e premte pas kërkesave të opozitës për ngritjen e komisioneve parlamentare për skandalin e ndërhyrjes në sistemin TIMS dhe abuzime me koncesionet në shëndetësi.
45 deputetë të PD dhe opozitës kanë kërkuar ngritjen e dy komisioneve hetimore për skandalin e ndërhyrjes në sistemin TIMS dhe të dhënat personale, si dhe për 4 kontratat e koncesionit në fushën e shëndetësisë.
Kryetarja e Kuvendit ka njoftuar thirrjen e mbledhjes së Konferencës së Kryetarëve për të premten, ora 11:00, ku do të merren në shqyrtim kërkesat e opozitës.
Nga e-mailet e dërguara nga Kuvendi, konfirmohet edhe një herë se Gazment Bardhi njihet si kryetar i grupit parlametar të Partisë Demokratike nga ana e këtij institucioni.
Siç duket Kuvendi, nuk ia ka marrë për bazë njoftimin kryetarit të vulës, Lulzim Basha për caktimin e Flutura Açkës si kryetare grupi, duke qenë se atë e mbështesin vetëm rreth 10 deputetë dhe nuk mund ta caktojë kryetari i partisë kreun e grupit parlamentar, por vetë deputetët.
