Një 47-vjeçar është proceduar penalisht mesditën e kësaj të marte pasi është kapur në flagrancë duke futur në vendin tonë mallra kontrabandë.
Blutë bëjnë me dije se procedimi ka nisur për shtetasin me iniciale M.M rezident në Angli, pasi gjatë kontrollit në furgonin që drejtonte, janë gjetur bombola me lëndë kimike (helium).
“Policia Kufitare godet një rast të tentativës për të kontrabanduar në Shqipëri, mallra për të cilat kërkohet licencë. Sekuestrohen 2 bombola me lëndë kimike (helium) dhe një automjet (furgon). Procedohet penalisht 47-vjeçari (rezident në Angli), drejtuesi i automjetit ku u gjetën bombolat.
Në vijim të veprimeve për këtë rast, u referuan materialet në Prokurori dhe nisi procedimi në gjendje të lirë për shtetasin shqiptar M. M., 47 vjeç, rezident në Angli, pasi gjatë kontrollit në furgonin që drejtonte, janë gjetur bombola me lëndë kimike (helium). Materialet procedurale i kaluan Prokurorisë, për veprime të mëtejshme, për veprën penale “Kontrabanda me mallra të licencuar””,- njofton Policia.
