Kryetari i ri i zgjedhur, për Bashkinë e Kukësit, Albert Halilaj, pas shpalljes së rezultatit, ka falënderuar qytetarët kuksianë ndërsa u ka premtuar ulje të papunësisë, zhvillim ekonomik dhe promovim të turizmit.
Në një intervistë për euronews, Halilaj nuk bëri asnjë koment për kundërshtarin duke nënvizuar se fushta politike në Kukës ka qenë e qetë, teksa u shpreh se është njeri i rregullt, i thjeshtë dhe e njeh shumë mirë administratën.
“Falenderoj të gjithë qytetarët e Kukësit për besimin që më kanë dhënë, për këtë përgjegjësi të madhe. U premtoj se do të jem i thjeshtë dhe do u vij në ndihmë të gjithë qytetarëve, lidhur me infrastrukturën, papunësinë, zhvillimin ekonomik, dhe promovimin e turizmit.
E njoh shumë mirë administratën, jam pranë çdo halli të qytetarëve. Për kundërshtarin tim kam vetëm një koment pozitiv, është e vetmja fushatë në Kukës që gjatë 30 viteve që nuk ka pas asnjë incident. Qytetarët e Kukësit treguan vlera e mirësjellje. Ju kam premtuar qytetarëve, për uljen e papunësisë, turizmin dhe zhvillimin ekonomik. Politika duhet të kthejë sytë nga hallet e qytetarëve, nga njerëzit në nevojë. Falenderoj Ramën që më ka dhënë garancinë se do të jetë prezentë së bashku me qeverinë në katër vitet në vazhdim në Kukës.”-tha ai.
