Shefi i Organizimit të Partisë Demokratike, Klevis Balliu ka reaguar pas sulmit me armë ndaj policisë në Kosovë ku humbi jetën një efektiv dhe u plagos një tjetër.
Gjatë një postimi në rrjetet sociale, Balliu e ka quajtur një “sulm terrorist” dhe ka hedhur akuza të forta ndaj autoriteteve serbe. Sipas Balliut, Serbia ka për qëllim vazhdueshmërinë e genocidit të Milloshevic në të gjithë rajonin.
“Sulmi terrorist ndaj Kosovës ku mbeti i vrarë efektivi policise, zbulon qartazi planin dhe qellimin e qeverisë të Vuçiçit, për vazhdueshmerine e genocidit te Milloshevic. Europa dhe mbarë bota duhet të kuptojnë se, nuk mund të kete marveshje paqeje me një shtet grabiqar, të etur për gjak.
Serbia është nje Rusi e vogël. Kërkesat e Serbise janë në fakt kërkesa dhe strategji te Rusise. Është një padrejtesi e dhimbshme, kur zyrtarë të BE-se mbështesin pa reciprocitet kushtet e Rusise në dialog me Kosovën”, shkruan Balliu.
- Del FOTO-ja, ky është polici që mbeti i vrarë në veri të Kosovës
Personi që shihni në foto është efektivi i policisë në Kosovë që mbeti i vrarë në orët e para të mëngjesit të së dielës në veri të Kosovës.
Efektivi mbeti i vrarë pas një sulmi te armatosur në drejtim të makinës së policisë, e cila kishte shkuar në fshatin Banjska të Leposaviçit pas informacionit se dy kamionë pa targa kishin bllokuar rrugën.
Por pas mbërritjes në vendin e ngjarjes, policët janë përballur me një sulm të armatosur, ku për pasojë vdiq njëri prej tyre ndërsa një tjetër u plagos. Vjosa Osmani dhe Albin Kurti kanë dënuar sulmin me armë ndaj policëve ndërsa janë shprehur se kjo është një ngjarje e organizuar nga Serbia.
