Edhe pse kanë kaluar thuajse 3 vjet nga pandemia e Covid-19, disa qytetarë i vuajnë ende pasojat e virusit.
Një studim i fundit ka dalë në përfundmin se të gjithë personat që kanë vuajtuar nga ai që njihet si ”Covid i gjatë” mund të kenë anomali në organet e tyre kryesore. Provat mjekësore kanë treguar se kësaj kategorie të pacientëve u rriten mundësitë tri herë më shumë që të përballen me anomali në mushkëri, tru dhe veshka.
Për qëllime të studimit janë analizuar 259 pacientë, të cilët janë sëmurë me koronavirus dhe më pas janë shtruar në spital. Pesë muaj pas lëshimit prej spitalit, incizimet kanë treguar se në organet kryesore të tyre janë evidentuar dallime të dukshme, në krahasim me një grup prej 52 personash që nuk janë infektuar asnjëherë me koronavirus. Dallimi më i madh është vërejtur në mushkëri, ku provat kanë treguar 14 herë më shumë mundësi për anomali.
Për koronavirusin është raportuar për herë të parë në dhjetor të vitit 2019 në Vuhan të Kinës. Organizata Botërore e Shëndetësisë e pati shpallur koronavirusin si pandemi më 11 mars të vitit 2020. Më shumë se 6.9 milionë njerëz kanë vdekur që prej shpërthimit të pandemisë në gjithë botën.
