Një shtetas shqiptar rreth 23-vjeç, është arrestuar nga autoritetet italiane, pasi ishte shpallur në kërkim për disa krime të kryera në vendin tonë.
Mediat e huaja shkruajnë se gjatë operacioneve të identifikimit rezultoi se ndaj të huajit, shtetas shqiptar, ishte në pritje një urdhër kërkimi ndërkombëtar për ekstradim për llogari të shtetit shqiptar.
Në fakt ndaj tij është lëshuar një urdhër-arresti janarin e kaluar nga Gjykata e Rrethit Dibër, pasi ai ishte përgjegjës për tentativë vrasjeje, me maksimum 10 vite burg. 23-vjeçari dyshohet se ka goditur me kaçavidë nga pas një bashkëkombës të tij, duke i shkaktuar dëmtime të rënda.
I arrestuari është dërguar në burgun e Modenës dhe është vënë në dispozicion të organeve të drejtësisë.
Burimi: Modenatoday.it
