Autoritetet belge kanë kërkuar 3 vite burg për një 26-vjeçar shqipar, pasi akuzohet për shpërndarje të lëndëve narkotike.
Sipas mediave të huaja i riu shqiptar, identiteti i të cilit ende nuk bëhet me dije, shpërndante kokainë për rreth një vit në lagjen Vlasmarkt të qytetit Gent, dhe ka arritur të përiftojë rreth 340 mijë euro.
Shqiptari është arrestuar në shtëpinë e tij, ku iu gjet 1 kilogram kokainë, rreth 5 mijë euro dhe shtatë celularë që dyshohet se përdoreshin për biznesin e jashtëligjshëm të tij.
Mësohet se ai fitonte rreth 20 mijë euro në muaj duke shitur 400 gramë kokainë.
Burimi: Nieusblad.be
