Pas teatrit në politikën vendase, kryeministri Edi Rama ka zgjedhur të bëjë showmanin edhe në në Këshillin e Sigurimit të OKB, ku Shqipëria mban Presidencën.
Në nisje të mbledhjes që po zhvillohet në selinë e OKB-së në New York, Rama, në cilësinë e drejtuesit të mbledhjes, ka debatuar me përfaqësuesin e Rusisë.
Ky i fundit u shpreh kundër të mbajtjes së fjalimit të presidentit të Ukrainës Volodymyr Zelensky që në nisje të seancës, duke e akuzuar Këshillin e Sigurisë për mbajtjen e standardeve të dyfishta.
Rusia kërkoi që Zelensky ta marrë fjalën, sipas rregullores, pas fjalës së vendeve anëtare. Megjithatë, Rama nga ana tjetër i bëri të ditur përfaqësuesit të Rusisë se është pikërisht Moska ajo që me nisjen e luftës, i ka dhënë Ukrainës rëndësinë që ka sot në sferën ndërkombëtare.
“Ka një zgjidhje për këtë. Ju ndaloni luftën dhe presidenti nuk do të mbajë fjalën”, tha Rama.
Përfaqësuesi rus u shpreh se e gjitha ishte një spektakël. “Do doja të paralajmëroja që nëse sot, ju do të merrni vendime duke i rënë çekiçit, atëherë presidenca shqiptare do të përallet me një praktikë të shkeljes së dukshme të praktikave të këshillit të sigurimit. I bie se rregullat nuk vlejnë për ju. Presidenca shqiptare hapi debate. Kjo e sotmja do të jetë një spektakël. Ne nuk kundërshtojmë prezencën e presidentit të Ukrainës në këtë takim, por ai duhet të flasë pas vendeve anëtare”, tha ai.
Përpos kundërshtimeve të Rusisë, fjalën pas Ramës e mori Sekretari i Përgjithshëm i Organizatës së Kombeve të Bashkuara, António Guterres dhe pas tij, presidenti i Ukrainës Volodymyr Zelensky.
