Personi që shihni në foton e mësipërme është 47-vjeçari shqiptar Ilir Dervashi, i cili u vra me kaçavidë në Itali nga bashkëkombasi i tij, Miri Gurra, 34 vjeç Fillimisht u dyshua se plagët në bark shqiptarit i ishin shkaktuar nga aksidenti automobilistik, por më pas u vërtetua se ishin plagë të shkaktuara me kaçavidë.
Autoritetet policore në provincën e Bolonjës, menjëherë pas këqyrjes së parë të aksidentit në autostradën A13 dyshuan për diçka ndryshe. Ajo që dukej si një tjetër tragjedi në rrugët e Bolonjës u shndërrua në një rast vrasjeje pas ekzaminimit nga mjekësia ligjore.
Gjatë hetimeve, rezultoi se 47-vjeçari shqiptar ka marrë goditje të shumta në bark të shkaktuara me kaçavidë. Drejtuesi i makinës, Miri Gurra, 34-vjeçari shqiptar, u arrestua si i dyshuar për vrasje
Makina në të cilën udhëtonin dy shqiptarët, e tipit Renault Capture, ka përplasur një makinë përpara, duke përfunduar në anë të rrugës. Shoferi 34-vjeçar është nxjerrë i padëmtuar, por fatkeqësisht Ilir Dervashi kishte ndërruar jetë.
Rrethanat e vdekjes ngjallën dyshime të menjëhershme.
