Është identifikuar turisti 67 vjeçar nga Danimarka, që ndërroi jetë këtë të hënë në Sarandë.
Viktimë ka mbetur shtetasi danez Per Hjerrild, i cili kishte disa ditë që kishte ardhur në Sarandë me një kompani udhëtimesh.
Hjerrild ka rënë fillimisht pa ndjenja në hotelin “Royal”, dhe pasi është konstatuar nga stafi i hotelit është dërguar në spital për ndihmë mjekësore, por nuk ka mundur të shpëtojë.
Paraprakisht dyshohet se ka pësuar arrest kardiak. Trupi i tij është dërguar në Tiranë për ekspertizë mjeko- ligjore duke qenë shtetas i huaj.
