Një protestë po zhvillohet ditën e sotme në fshatin e Hekalit në Mallakastër. Banorët e fshatit po protestojnë kundër projektit që do të rikonstruktojë aksin drejt Bylisit dhe kjo për faktin se punimet edhe zgjerimi i rrugës, dëmtojnë varrezat.
Banorët janë shprehur se kurrsesi nuk do ta lejojnë zgjerimin e rrugës prej 1 meter që u është ofruar si zgjidhje së fundi, pasi dëmton varrezat.
Ky aks lidh Mallakastrën me pikën turistike të Bylisit, dhe zgjerimi i rrugës sipas projektit në fjalë do të sillte si domosdoshmëri prishjen e qivureve që ndodhen pranë rrugës, fakt që i detyroi banorët e zonës që dy muaj më parë të kundërshtojnë fuqishëm zbatimin e këtij projekti. Këmbëngulja e tyre i ndaloi punimet në pjesën e varrezave shumëvjecare të fshatit.
