Italia kaloi në vendin e dytë në Grupin C të kualifikueseve për EURO 2024 falë fitores 2-1 ndaj Ukrainës të martën mbrëma, por llogaritë janë ende të hapura nëse Axurrët duan të kualifikohen në turneun madhor verën e ardhshme.
Skuadra e Luciano Spallettit tani është në gjysmë të rrugës së kualifikimit, pasi është përballur një herë me çdo ekip në grup, duke marrë dy fitore, një barazim dhe një humbje dhe duke grumbulluar në total gjithsej shtatë pikë.
Italisë do t’i duhet të përfundojë si fituese e grupit ose si e dyta, për të marrë kështu një biletë për në Europian.
Fitorja e së martës në mbrëmje ndaj Ukrainës ishte jashtëzakonisht e rëndësishme për gjigandët e Europës, duke marrë parasysh faktin se skuadra mund të rrëshqiste në vendin e katërt në grup me një disfatë eventuale ndaj ukrainasve.
Sa i takon sfidave të ardhshme (tetor), Italia do të presë Maltën në Bari, përpara se të niset për në Londër për t’u përballur me liderët e grupit, Anglinë në Wembley. Në nëntor, do të ketë një seri ndeshjesh edhe më vendimtare, ato kundër Maqedonisë së Veriut dhe Ukrainës.
Anglia mbetet një skuadër e vështirë për t’u arritur, pasi kryesuesit e grupit kanë 13 pikë, pra 6 pikë më shumë se italianët.
beteja e vërtetë është për vendin e dytë dhe djemtë e Spalletit, në këtë momente janë favoritë. Tre skuadra, Italia, Ukraina dhe Maqedonia e Veriut aktualisht kanë shtatë pikë, por axurrët, më e rëndësishmja, kanë luajtur një ndeshje më pak dhe kanë golavarazhin më të mirë.
Ndeshja ndaj Maltës duhet të jetë formalitet për Italinë dhe me 3 pikë , Italinë do shkonte ndaj Anglisë me 10 pikë në total të grumbulluara.
Një humbje e mundshme ndaj Anglisë për ta do ishte e pranueshme vetëm nëse Immobile me shokë do të mundin Maqedoninë e Veriut dhe Ukrainën në dy ndeshjet e fundit të kualifikimeve në nëntor.
Para se të përballet me Italinë, Ukraina do të duhet të përballet gjithashtu me Maqedoninë e Veriut dhe Maltën.
Nëse (Italia dhe Ukraina) shkojnë me pikë të barabarta, ndeshja e fundit direkte mes dy palëve do të jetë vendimtare për vendin e dytë të kualifikimit. Diferenca e golave do të përdoret si faktori i parë vendimtar nëse dy skuadra janë të barabarta në pikë.
Renditja:
