Trajneri i Kombëtares, Sylvinho është për momentin një nga njerëzit më të komentuar dhe të dashur për publikun shqiptarët, pas fitores së kuqezinjve me Poloninë, e cila na bën favorit për tu kualifikuar në Kampionatin Europian 2024.
Por, si gjithmonë pas arritjes së suksesit Sylvihno “i shkretë” është “rrëmbyer” me urgjencë nga Kryeministri për të dalë me të në një Podcast.
Trajneri i Kombëtares nuk ka patur kohë as të marrë veten nga ndeshja plotë emocione, sepse Edi Rama e ka dashur një orë e më parë pranë vetes për të “vjedhur” vëmendjen e publikut.
Kujtojmë se në Podcastin e Edi Ramës janë shfaqur personazhe të ndryshëm kur ishin në kulmin e audiencës, përfshirë edhe Luizi i Big Brother, në kohën kur ishte një nga banorët më të famshëm të Shqipërisë.
Duhet theksuar, se është në traditën e kryeministrit, që të shfaqet gjithmonë me personazhe të dashur për shqiptarët dhe të marrë pak nga arritjet e tyre, sidomos kur janë në kulmin e famës.
Kujtojmë që kryeministri Edi Rama mbrëmjen e djeshme së bashku me familjen e tij, Zahon dhe Lindën, ishte i pranishëm në stadiumin “Air Albania” duke u bërë protagonist për të vjedhur sa më shumë vëmendje nga kamerat dhe suksesi i kuqezinjve.
