E përditshmja italiane “Il Giornale”, ka zbuluar sot se familja Agnelli, që është për 100 vite në pronëse të Juventus, ka vendosur të nxjerrë në shitje klubin bardhezi. Një lajm që ka befasuar e tronditur të gjithë, por duket se problemet ekonomike të viteve të fundit kanë detyruar familjen e njohur italiane të bëjë këtë manovër.
Gjithsesi, EXOR, kompania e familjes Agnelli, përmes një komunikate të bërë publike po sot në mengjes, hedh poshtë zërat: “Hipotezat e publikuara sot në media në lidhje me shitjen e Juventus janë pa asnjë bazë dhe të turpshme”.
Në rast se shitja e klubit ndodh ajo nuk do të kryhet sa hap e mbyll sytë dhe pa dhimbje. Media e njohur milaneze që ka publikuar lajmin bën një analizë të situatës, sipas së cilës Juventus sot është në krizë dhe Andrea Agnelli është në gjyq për cështje të vjetra, duke u transferuar në Holandë.
Sipas “Il Giornale”, bilanci është negativ, klubi ka shumë humbje dhe e ardhmja financiare nuk duket e ndritur. Humbjet kanë prekur kuotën e 240 milionë eurove, ndërsa borxhet kalojnë 800 milionë. Për këtë arsye, familja Agnelli e ka nxjerrë në shitje klubin, për vlerën 1.5 miliardë euro.
