Presidenti i Republikës së Shqipërisë, Bajram Begaj nuk bën asnjë surprizë dhe mëngjesin e sotëm i është “bindur” propozimeve të kryeministrit Edi Rama për ndryshimet në qeveri.
Begaj nuk humb kohë dhe dekreton shkarkimin e ministrave që largohen nga detyra, dhe njëkohësisht emërimin në detyrë të ministrave të rinj.
Edi Rama ka shkarkuar Olta Xhaçkën nga kabineti i tij qeveritar, duke e larguar nga detyra e ministres së Jashtme. Në këtë mënyrë Rama i hap “derën” SPAK-ut i cili prej kohësh ka nisur një hetim ndaj Xhaçkës në lidhje me procesin e privatizimit të pronave të Forcave të Armatosura të Shqipërisë dhe më konkretisht bazës detare të “Limonit” në Sarandë.
E veçanta e ndryshimeve të Ramës është krijimi i një ministrie të re, e cila është ajo e pushtetit vendor, që do të kryesohet nga zëvendësi i Erion Veliajt në Bashki, Arbian Mazniku.
Tashmë që Edi Rama ka marrë në kabinetin qeveritar “të besuarin” e Veliajt për të cilin Berisha prej kohësh hedh një lumë akuzash për lidhjet e tij me ortakë të “Ndranghetta-s”.
Pavarësisht të gjitha këtyre akuzve, Bajram Begaj nuk “guxon” të kundërshtojë asnjë propozim që ka bërë kryeministri Edi Rama të hënën në mbledhjen e Asamblesë së PS-së. Në këtë mënyrë Begaj ec me të njëjtin hap si kreu i qeverisë socialiste.
Këto janë 7 ndryshimet në qeveri:
Ministër Financash, Ervin Mete
Ministër i Jashtëm, Igli Hasani
Ministre Arsimi, Ogerta Manastirliu
Ministri e Bujqësisë, Anila Denaj
Ministre e Shëndetësisë, Albana Koçiu
Ministër për Sipërmarrjen, Delina Ibrahimaj
Ministër i Pushtetit Vendor, Arbjan Mazniku
Dokumentat e dekretit të ministrave të rinj nga Bajram Begaj:
