Ish-kandidati i koalicionit “Bashkë Fitojmë” për Bashkinë e Kuçovës, Lefter Maliqi ka paralajmëruar se po ndizen motorrët në mënyrë që opozita të tregojë forcën me vepra.
Gjatë reagimit në rrjetet sociale, Maliqi premton se “bashkinë e grabitur nga socialistët” do t’ia kthejë qytetarëve.
“Po vjen koha që së bashku të ndezim motorrët dhe të tregojmë forcën, vlerat, bashkëpunimin, besimin tek njeri-tjetrin me vepra.
Së bashku kishim fitore e ndryshime të thella, me përmbysje rezultatesh në zgjedhjet e 2005, 2007, 2009, 2011, ku shërbimi dhe mbeshtetja ndaj jush ishte e madhe; me investime të rëndlsishme në infrastrukturë, arsim, shendetësi, kulturë etj.,
Që atëherë çdo gjë ka ngelur prapa! Për shkak të këtij sistemi të kalbur elektoral dhe zhgënjimeve të cilat i kam bërë publike.
Së shpejti do jemi së bashku me kurajo duke kthyer besimin, shpresën, duke bashkepunuar dhe korrur suksese dhe fitore të merituara. Së bashku në çdo fshat, lagje, qytet, zone, shtëpi më shtëpi!
Rikthimi pranë jush më motivon për sfidë reale perballë çdo kundërshtari, individi apo force politike, pasi veprat flasin vet; jo fjalë as reklama por vepra reale, ndryshime, mbështetje shpresë dhe besim.
Së bashku do ja dalim! Së shpejti pranë njëri-tjetrit! Bashkinë e grabitur të Kuçovës do ja kthejmë qytetarëve! Punë të palodhur në të gjithë Qarkun Berat deri në Fitore!”, shkruan Maliqi.
Kujtojmë që kreu i Partisë Demokratike, Sali Berisha së bashku me aleatët e tij ka bërë thirrje vazhdimisht popullit për të dalë në protestë por ende nuk ka përcaktuar një datë.
