Një 34-vjeçar është arrestuar ditën e sotme në Elbasan, dhe dy të tjerë janë proceduar në gjendje të lirë pasi akuzohen për vepra të ndryshme penale.
Në pranga ka rënë shtetasi me iniciale E.N, pasi gjatë kontrollit fizik i janë gjetur disa doza kokaine. Ndërkohë ka nisur procedimi për shtetasit K.SH dhe E.D pasi kanë kundërshtuar punonjësit e policisë.
“Specialistët për Hetimin e Narkotikëve të DVP Elbasan arrestuan në flagrancë shtetasin E. N., 34 vjeç, si dhe referuan materialet në Prokurori ku nisi procedimi në gjendje të lirë për shtetasit K. Sh., 45 vjeç dhe E. D., 39 vjeç.
Të 3 këta shtetas kanë kundërshtuar punonjësit e Policisë, për kryerjen e kontrollove fizike dhe në automjetin me të cilin qarkullonin.
Nga kontrollet, shtetasit të arrestuar iu gjet dhe iu sekuestrua një sasi lënde e dyshuar narkotike cannabis sativa”,- njofton Policia.
