48-vjeçari Dario Bruçi është arrestuar pasi ushtronte dhunë fizike dhe psikologjike ndaj bashkëjetueses së tij. Si pasojë e dhunës fizike dhe psikologjike, bashkëjetuesja ka marrë trajtim në spitalin psikiatrik të Tiranës.
Bruçi, për të justifikuar dhunën, kishte paguar 37-vjeçarin kosovar, Kujtim Popajn, për ta shëruar pasi pretendonte se i kishin bërë magji.
Gjatë kontrollit në banesën e 48 vjeçarit u gjetën dhe sekuestruan nga policia 380 fishekë.
Është proceduar penalisht për mashtrim dhe 36-vjeçari, i cili vinte nga Kosova në banesën e 48-vjeçarit, me qëllim për të “shëruar” 33- vjeçaren.
“Shërbimet e Komisariatit të Policisë Mat, pas informacioneve të siguruara për një shtetas që ushtronte dhunë psikologjike dhe fizike në mënyrë të përsëritur ndaj bashkëjetueses së tij, si dhe mbante armë zjarri apo municion luftarak në banesë, menjëherë kanë organizuar punën dhe falë ndërhyrjes së menjëherëshme është bërë parandalimi i një ngjarje të mundshme kriminale në familje.
Si rezultat, u bë arrestimi në flagrancë i shtetasit D. B., 48 vjeç, banues në Burrel, ( i dënuar më parë për kanosje dhe kundërshtim me dhunë i punonjësit të policisë).
Nga hetimet e kryera, mbështetur dhe në inteligjencë informative ka rezultuar se 33-vjeçarja, si pasojë e dhunës është dërguar nga familjarët e saj për trajtim mjekësor dhe në spitalin psikiatrik, Tiranë.
Po në vijim te hetimeve të thelluara për këtë rast, ka rezultuar se 48-vjeçari, për të justifikuar dhunën ndaj bashkëjetueses së tij, pretendonte se 33- vjeçares i kishin bërë magji dhe kishte paguar shtetasin K.P., 37 vjeç, banues në Kosovë, i cili vinte në banesën e shtetasit D.B., për të shëruar 33- vjeçaren.
Gjatë kontrollit në banesën e shtetasit D.B., shërbimet e Policisë, gjetën dhe sekuestruan në cilësinë e provës materiale 380 fishek, që i posedonte pa leje.”- njofton policia.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme procedurale
