Në Shën Petersburg, vendlindja e presidentit rus Vladimir Putin, një zjarr i madh shpërtheu në depon e naftës Ruchi mëngjesin e sotëm dhe banorët panë një kolonë të madhe tymi që shtrihej drejt qiellit.
Faqja lokale e internetit Fontanka raporton deklaratën e Ministrisë së Situatave të Emergjencave të Rusisë se zjarri përfshiu hangarin dhe u përhap në 125 metra katrorë të ndërtesës sipërfaqja e përgjithshme e së cilës është 800 metra katrorë.Mësohet se për shuarjen e flakëve janë përfshirë 12 zjarrfikëse dhe 60 persona.
Fontanka shprehet se, sipas informacioneve të para, servisi i makinave që ndodhej pikërisht pranë depos së naftës ka marrë flakë.
Thuhet se kompania që mban këtë depo nafte falimentoi në vitin 2021.
