Lazio ka marrë një fitore befasuese 2-1 kundër Napoli-t në stadiumin “Maradona” mbrëmjen e sotme.
Skuadra e Maurizio Sarri-t, ish-trajneri i Napoli-t, e kishte nisur kampionatin me dy humbje dhe sot ka marrë fitoren e parë në Serinë A.
Kampionët në fuqi, nga ana tjetër, vinin nga dy fitore radhazi dhe nuk kanë arritur t’i përgjigjen fitores së marrë nga Milan-i në fushën e Roma-s, me kuqezinjtë që tani kryesojnë të vetëm renditjen në pritje të Inter-Fiorentina.
Pavarësisht dominimit të Napoli-t në pjesën e parë, ka qenë Lazio që ka shënuar e para. Luis Alberto ka mposhtur Meret me një gol me thembër pas një asisti magjik nga Felipe Anderson.
Megjithatë, festa e vendasve nuk ka zgjatur shumë, duke parë se skuadra e Garcia-s ka barazuar dy minuta më mbrapa me një gol të Zielinski-t, i ndihmuar edhe nga një devijim.
Në filimin e pjesës së dytë, në minutën e 52-të, ka ardhur goli i dytë për bardhekaltrit. ka qenë blerja e re Kamada që ka shënuar dhe ka fiksuar shifrat në 2-1.
DY GOLAT E ANULUAR TE LAZIOS – VIDEO
Lazio ka shënuar edhe dy gola të tjerë në harkun e katër minutave me Zaccagni-n (67′) dhe Gundeouzi-n (71′), por të dy janë anuluar nga VAR për pozicion jashtë loje.
Shkëlqen edhe Atalanta, që ka mundur 3-0 Monza-n në shtëpi dhe është ngjitur në vendin e tretë të renditjes. Protagonisti i ndeshjes ka qenë Scamacca, autor i një dygolëshi. Asist për De Ketelaere.
