Grupimi i demokratëve që drejtohen nga ish-kryeministri Sali Berisha do të tentojë të regjistrohet si “Partia Demokratike e Shqipërisë” ditën e sotme për zgjedhjet e parakohshme lokale të 24 shtatorit në Kukës, edhe pse vulën e ka Lulzim Basha.
Burime për mediat pranë selisë blu bëjnë me dije se kërkesa do të depozitohet pas disa orësh në ambientet e KQZ-së. Nga ana tjetër, Komisioni Qendror i Zgjedhjeve i ka refuzuar në vazhdimësi kërkesat e grupimit të Berishës për t’u regjistruar si “PDSH”.
Nëse kërkesa do të refuzohet sërish kjo kërkesë, atëherë pritet që ky grupim të regjistrohet në zgjedhjet e parakohshme për bashkinë e Kukësit me logon e koalicionit opozitar “Bashkë Fitojmë”.
Kandidati i PD-së së Berishës në Kukës do të jetë Emri Vata, i shpallur fitues nga primaret, ndërsa PD e vulës së Bashës nuk do të nxjerrë kandidat. Partia Socialiste do të garojë me ekonomistin Albert Halilaj.
