Një aksident ka ndodhur pasditen e kësaj të premte, në Kamëz. Dy automjete janë përplasur me njëra-tjetrën e për pasojë kanë mbetur të plagosur 3 fëmijë të mitur. Këta të fundit janë dërguar në spital, ku ndodhen nën kujdesin e mjekëve.
“Më datë 01.09.2023, në Kamëz, janë përplasur automjeti me drejtues një shtetase dhe pasagjerë tre të mitur, me një automjet tjetër që drejtohej nga një shtetas.
Të miturit janë dërguar në spital për kontroll mjekësor, dhe nuk kanë probleme për jetën”,- njofton policia.
Grupi hetimor ndodhet në vendngjarje dhe po punon për sqarimin e rrethanave të aksidentit.
