Një avion është rrëzuar në Moskë këtë të mërkurë. Mediat e huaja shkruajnë se për pasojë kanë humbur jetën 10 persona, mes tyre shefi i grupit mercenar Wagner, Yevgeny Prigozhin.
BBC shkruan se aksidenti ajror ndodhi në veri të Moskës në rajonin Tver dhe bëhet fjalë për një avion privat. Raportohet se banorët e këtij rajoni dëgjuan dy zhurma para përplasjes së avionit në tokë. Avioni po udhëtonte nga Moska për në Shën Petersburg, konfirmon TASS.
BREAKING:
A private jet owned by Prigozhin was just shot down by Russian air defenses over Tver.
Around 10 people onboard have been killed. pic.twitter.com/mUCHws77Y0
— Visegrád 24 (@visegrad24) August 23, 2023
The end of this phase of the Prigozhin story. With Wagner sources hinting the plane was shot down a new phase might begin. pic.twitter.com/cDJrcmxys2
— Carl Bildt (@carlbildt) August 23, 2023
Jo më larg se dje, 62 vjeçari Prigozhin publikoi një video ku shihej me një pushkë në dorë duke konfirmuar se ndodhej në një zonë të Afrikës.
“Jemi duke punuar. Temperatura është 50 gradë Celsius, ashtu siç e duam edhe ne. Wagner po kryen aksione zbulimi dhe njohjeje të terrenit, për ta bërë Rusinë edhe më të madhe në të gjitha kontinentet dhe Afrikën, më të lirë”, tha ai në mesazhin e tij.
Ky videomesazh ishte surprizë për të gjithë pasi thuhej se shefi i grupit famëkeq të mercenarëve po strehohej në Bjellorusi pas 24 Qershor, datë kur ai tentoi të marshojë drejt Moskës bashkë me forcat e tij.
Paraprakisht mediat e huaja shkruajnë se avioni me 10 persona në bord është rrëzuar nga forcat ruse.
Përmes një deklarate në Telegram, grupi Wagner fajëson zyrtarët e Kremlinit të udhëhequr nga Putini për vrasjen e Prigozhin, ndërsa kërcënojnë me një marshim të dytë drejt Moskës nëse lajmi për vdekje e Prigozhin është i vërtetë.
“Ka zëra për vdekjen e kreut të PMC “Wagner” Yevgeny Prigozhin. Ne themi shprehimisht se dyshojmë se zyrtarët e Kremlinit të udhëhequr nga Putini kanë bërë përpjekje për ta vrarë atë! Nëse informacioni për vdekjen e Prigozhin konfirmohet – ne organizojmë “Marshimin e Drejtësisë” të dytë në Moskë! Më mirë të jetë gjallë, është në interesin tuaj…”, thuhet në deklaratën e Wagner.
Prigozhin, bashkëpunëtor i ngushtë i Putin prej vitesh, udhëhoqi një rebelim të dështuar kundër forcave të armatosura ruse në muajin në qershor.
Lexo edhe:
Kush ishte Yevgeny Prigozhin, ish-bashkëpunëtori që tentoi të rrëzojë Putinin
