Ish-kryeministri i Tajlandës, Thaksin Shinawatra, u transferua në spital gjatë natës, pasi gjendja e tij shëndetësore u përkeqësua për shkak të problemeve me zemrën dhe hipertensionit, raporton Reuters.
Policia tajlandeze njoftoi se Thaksin u shtrua në spital për shkak se ndodhej në burg, ku u transferua menjëherë pasi zbarkoi dje në Tajlandë pas vitesh internimi për të vuajtur dënimin me tetë vjet burg.
“Administrata e burgut vlerësoi situatën dhe pa se atij i mungonin pajisjet e duhura mjekësore dhe mjekët,” tha ndihmës shefi i policisë Prachuab Wongsuk.
Shinawatra është themeluesi i partisë Peu Tai, anëtarja e së cilës Sreta Tavisin u zgjodh kryeministër në fillim të kësaj jave.
Ai u rrëzua në një grusht shteti ushtarak në vitin 2006 dhe që atëherë ka jetuar në mërgim për të shmangur akuzat ligjore që ai më parë tha se ishin të motivuara politikisht, duke përfshirë një dënim për korrupsion në mungesë.
