Muhamed Diabi nuk do të jetë pjesë e Skënderbeut. Ky është vendimi i marrë nga drejtuesit e klubit korçar.
21-vjeçari zbaroi pak ditë më parë në qytetin juglindor, por nuk arriti të bindte drejtuesit. Diabi qëndroi në tribunë në miqësoren e djeshme ndaj Besës, teksa iu komunikua se nuk bën pjesë në planet e trajnerit Gvozdenoviç.
Gjatë karrierës së tij si futbollist, Diabi ka luajtur në ligat inferiore në Francë që në moshë të hershme e më pas ka kaluar në Luksemburg ku ka qenë pjesë e klubit Union Titus që luan në elitën e këtij shteti.
Ajo që vlen të theksohet është fakti se Diabi ka luajtur 13 takime dhe ka arritur të shënojë 2 gola në 700 minuta të grumbulluara në total.
Ndeshja e fundit, e cila rezulton të jetë luajtur nga futbollisti në fjalë, është ajo e vitit 2022, ku është aktivizuar për 62 minuta.
