Aksi rrugor Vlorë-Orikum vijon të mbetet problematik edhe këtë verë, për shkak të fluksit të pushuesve në dy qytetet bregdetare.
Për shkak të kthimit nga plazhi të pushuesve, në pasditen e sotme lëvizja e mjeteve në aksin nacional është bërë thuajse e pamundur, me trafik të rënduar.
Sipas raportimeve, radha kilometrike e automjeteve ka nisur në dalje të Orikumit dhe përfundon në Vlorë, duke vijuar më pas edhe në Lungomare dhe rrugën Transballkanike.
Pavarësisht se bypass-i i Vlorës është i hapur për qarkullimin e mjeteve, Vlora vijon të mbetet një destinacion ku pushuesit ndalojnë qoftë edhe për disa minuta për shkak të formave të ndryshme të argëtimit në mbrëmje, duke shkaktuar kaos me qarkullimin në segmentet rrugore të qytetit.
