Dy persona janë arrestuar nga Policia e Gjirokastrës, pasi kultivon kanabis në fshatin Lazarat.
Në kuadër të operacionit policor të koduar “Kujdesi” janë vënë në pranga babë e bir Ardian dhe Engli Skënduli, 51 dhe 28 vjeç, banues në fshatin Lazarat.
Autoritet policore bëjnë me dije se të dy këta shtetas u kapën në flagrancë nga dronë të rezolucionit të lartë, të përdorur në këtë operacion, teksa kujdeseshin për 50 bimët narkotike cannabis sativa që kishin mbjellë në oborrin e banesës së tyre.
Si rezultat i kontrolleve të ushtruar në këtë banesë, uniformat blu gjetën një sasi lënde narkotike cannabis sativa. Lënda narkotike u sekuestrua në cilësinë e provës materiale, ndërsa 50 bimët narkotike u asgjësuan nëpërmjet djegies.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
