Një ngjarje e rëndë raportohet të ketë ndodhur në Itali këtë të hënë. Një djalë i ri është goditur nga helikat e një varke teksa ka qënë duke u larë në det e si pasojë ka humbur jetën.
Nga raportimet e mediave të huaja mësohet se ngjarja ka ndodhur në bregdetin e Amalfit, ku i riu kishte shkuar së bashku me dy shokë të tjerë.
Mësohet se dy nga tre të rinjtë janë futur për të notuar shumë pranë motorit të mjetit lundrues, e si pasojë njëri ka humbur jetën dhe një tjetër është plagosur.
Për të nxjerrë trupin e viktimës në vendngjarje kanë shkuar palombarët pasi ai është fundosur, bëjnë me dije mediat vendas. Autoritetet vijojnë hetimet lidhur me rastin.
