Policia e Elbasanit ka dalë me një reagim zyrtar lidhur me një video të publikuar nga JOQ, ku shihet një vajzë e hipur mbi dritaren e makinës, ndërkohë që mjeti ishte të lëvizje.
Lidhur me rastin blutë bëjnë me dije se është gjobitur pronari i makinës me 6000 lekë të rinj.
“Në lidhje me një video të postuar në portalin “JOQ”, në të cilën shfaqet një pasagjere që kishte dalë në dritaren e automjetit gjatë kohës që automjeti ishte në lëvizje, ju informojmë se:
Menjëherë pas publikimit të videos, shërbimet e Sektorit të Qarkullimit Rrugor të DVP Elbasan kanë kryer verifikimet për automjetin dhe kanë ndëshkuar pronarin e tij, me masën administrative 6000 lekë të rinj, bazuar në nenin 167, pika 9, të Kodit Rrugor”,- njofton Policia.
