Të tjera detaje kanë dalë në dritë nga vrasja e shtetasit shqiptar Aleksandër Zaka në ishullin grek të Salaminës.
Mediat e huaja raportojnë se autori i vrasjes së Zakës është një shtetas po shqiptar, i cili rezulton të ketë qënë shok me viktimën, ndërsa mësohet se i dyshuari rezulton edhe me precedent penalë për drogë dhe vjedhje.
Ky i fundit është “zhdukur” prej ditës së shtunë, kur ndodhi edhe vrasja.
“Një ditë para krimit në shtëpi ndodheshin dy shqiptarët dhe një shtetas grek. Gjatë mbrëmjes shtetasi grek është larguar nga banesa dhe në shtëpi kanë qëndruar viktima dhe autori i dyshuar. Ky i fundit do të flinte në banesën e 51-vjeçrit. Por kur shtetasi grek është kthyer të nesërmen, ai e ka gjetur viktimën të ulur në një karrige i qëlluar me plumb në pjesën e pasme të kokës. Ndërkohë shqiptar rezulton i zhdukur dhe autoritetet jane vendosur në kërkim të tij”, thanë burimet për median greke.
