Hetimet për pastrimin e parave të krimit dhe korrupsionit në ndërtim duhet të nisin nga KKT-ja me në krye Edi Ramën, i cili po i jep klientëve të tij dhe të Sali Berishës leje për kulla dhe resorte në Tiranë dhe bregdet, duke mos pasur në disa raste para të ligjshme as për të paguar rrethimin e kantierit të ndërtimit.
Disa miliardë euro përllogariten se janë pastruar, duke u investuar në ndërtim vitet e fundit. Ndërtimi konsiderohet si sektori kryesor i pastrimit të parave në çdo raport të DASSH, të Brukselit dhe institucioneve ligjzbatuese vendase. Një investigim serioz mediatik tregoi se asnjë nga investitorët strategjikë të shpallur nga qeveria, nuk ka burime të ligjshme parash për investimin.
Ndërkaq, në 28 shkurt 2022, Endi Kollozi, djali ish drejotorit të ALUIZNI-t, Ardian Kollozi, themelon kompaninë e ndërtimit ‘E&A INVESTIMENT VLORE’, me nipt M26501206O, në të cilën ka 70 % të aksioneve. Kapitali i kompanisë është 100 mijë lekë.
Në mbledhjen e fundit për vitin 2022, KKT-ja e Edi Ramës, e cila merr vendime në bazë lobimesh, sekserësh, intetesash pushteti dhe çanta parash, ka miratuar një leje ndërtimi për kullë me zhvillues pikërisht kompania fantazmë e djalit të Ardian Kollozit.
Prapaskena mëson se bëhet fjalë për ndërtimim e një kulle me 26 kate, që do të shërbejë si hotel.
Kulla do të ndërtohet në hapsirën e fundit që kishte mbetur pa u betonizuar në Lungomare. Me ngritjen e kullës, do të privatizohet edhe plazhi i fundit publik para tunelit. Ndërkaq, kompania fanrazmë nuk ka burime financiare të ligjshme as për të nisur ndërtimin, duke gritur dyshime të forta për pastrim parash.
Cili do të jetë burimi i parave për investimin kur kapitali i kompanisë pa balance dhe pa aktivitet është 100 mijë lekë?!
Endi Kollozi duket se është mbulesë e Ardian Kollozit, ish-deputet i Partisë Demokratike, funksionar i PD dhe ish-drejtor ALUIZNI-t, gjatë qeverisjes nga Sali Berisha.
Nuk dihet nëse Kollozi po nxjerrë paratë paratë që ka mbledhur si ish drejtor i ALUIZI-t, duke përdorur të birin si maskë, apo nëse edhe vetë Kollozi është kamuflim i personazheve të tjerë të politikës dhe krimit. Kujtojmë që Kollozi ka ndërtuar edhe hotel Priam, më të madhin në Vlorë, me para të dyshimta, duke zaptuar më pas edhe plazhin publik “Shkëmbi i doktorit”.
Në fund të vitit 2022, Edi Rama i ka dhënë leje për pallat në Vlorë edhe kompanisë Blu Horizont 2005, me nipt: L56601202K. Blu Horizont 2005 është një tjetër kompani fantazmë e themeluar nga Eduart Meminaj. Në vitin 2018, kompaninë e blen Endi Kollozi, i cili edhe në këtë rast përdoret nga Ardian Kollozi për të fshehur gjurmë, i cili po merrej me politikë duke u angazhuar me Bindjen Demokratike.
Pas blerjes, Endi Kollozi hedh rreth 500 mijë euro në këtë kompani, para që nuk u dihet burimi.
Në 2017, Endi Kollozi ka krijuar një tjetër kompani fantazmë ndërtimi, A.E.K.2017, të cilën e pezulloi një vit më pas.
Po gjatë vitit 2017, Endi Kollozi ka hapur një tjetër kompani fantazmë ndërtimi, Vlora Park, e cila është pezulluar disa muaj më vonë.
Në shkurt të 2023, ka themeluar një tjetër kompani, Zvicëri Farm, këtë herë në Leskovik, me objekt hoteleri dhe agroturizëm, me kapital 1 mijë lekë, në bashkëpunim me Eglantina Mena. Ndoshta me këtë kompaninë e fundit do të kapë ndonjë fond nga Frida Krifca. Kemi të bëjmë me kompani të falimentuara dhe fiktive, pa bilance dhe pa aktivitet, por që në realitet qarkullojnë dhe investojnë në ndërtim miliona euro, para që nuk u dihet burimi./Prapaskena.com/
