Në doganën e Kakavijës gjatë kësaj të diele ka vazhduar fluksi i lëvizjes për pushimet verore në të dyja krahët e kufirit me Greqinë.
Drejtoria e Policisë Kufitare në Gjirokastër bën me dije se gjatë 24 orëve të fundit kanë hyrë në tokën shqiptare 9.690 persona, shqiptarë dhe të huaj.
Fluksi ka qenë i lartë edhe në dalje, pasi në drejtim të Greqisë kanë udhëtuar 3.903 persona.
I konsiderueshëm ka qenë edhe qarkullimi i automjeteve ndërsa gjatë 24 orëve të fundit në të dyja anët e kufirit u regjistruan 4 400 mjete kryesisht me emigrantë dhe turistë.
Lëvizja në Kakavijë përgjatë javës është shoqëruar me radhë të gjata pritjeje dhe, kryesisht në tokën greke, çka bëri që pala helene të rrisë numri e sporteleve për kontrollin e dokumenteve në fundjavë.
