Pashkët Ortodokse kanë shtuar ndjeshëm numrin e hyrje-daljeve në territorin e Shqipërisë gjatë kësaj fundjave.
Mijëra emigrantë shqiptarë kanë vendosur të kthehen përkohësisht në vendin e tyre për kremtimin e festës, ndërsa ka qenë mjaft i lartë edhe numri i daljeve nga territori shqiptar, për ta ferstuar Pashkën në shtetin helen.
Në pikën Kufitare të Kapshticës janë regjistruar 3143 shtetas që kanë hyrë në territorin tonë, ndërsa çuditërisht ka qenë më i lartë numri i atyre që kanë dalë nga Shqipëria, plot 3463 shtetas.
Po ashtu në pikën e kalimit Kufitar të Kakavijës, rreth 20 mijë shtetas kanë hyrë në Shqipëri përgjatë kësaj jave ndërsa 12 mijë qytetarë kanë lënë Shqipërinë përmes të njëjtës doganë në të njëjtën periudhë kohore.
Në këtë Pikë Kufitare, pavarësisht fluksit të madh, nuk ka patur radhë të gjata pasi është punuar me 4 sportele.
Të hënën pritet shtimi i fluksit pasi emigrantët përgjithësisht kthehen drejt shteti fqinj të Greqisë ku punojnë dhe jetojnë.
