Një shtetas nga Libohova është arrestuar pasditen e kësaj të shtune nga Policia, pasi është përfshirë në një aksident që ka ndodhur në kthesën e fshatit Goricë, ku dy automjete janë përplasur me njëra-tjetrën.
Bëhet fjalë për shtetasin Alfred Hunda nga Libohova të cilin disa ditë më parë Gjykata e Shkallës së Parë në Gjirokastër, vlerësoi masën “Arrest shtëpiak” për të për veprën penale të trafikut dhe mbjelljes së lëndëve narkotike.
Hunda duhej te ishte duke zbatuar masën e sigurisë, por u përfshi në aksident duke drejtuar makinën me pasojë plagosjen e dy personave.
Policia e Gjirokastrës sapo ka identifikuar Hundën, e ka arrestuar për shkelje të urdhërit të masës së arrestit.
