Të shtëna me armë zjarri janë dëgjuar këtë të shtunë në Kolonjë. Mësohet se pas një konflikti të çastit, 53-vjeçari me inicale S.S ka vrarë me armë gjahu gomarin e komshiut, dhe më pas është arratisur.
Ngjarja ka ndodhur në fshatin Luras, ndërsa 53-vjeçari është shpallur në kërkim nga policia. Dyshohet se konflikti nisi për arsye pronësie.
“Specialistët për Hetimin e Krimeve të Komisariatit të Policisë Kolonjë referuan materialet në Prokurori dhe shpallën në kërkim shtetasin S. S., 53 vjeç, banues në fshatin Luaras, Kolonjë, pasi në fshat, dyshohet se për shkak të një konflikti për motive pronësie, ka vrarë me armë gjahu, një kafshë samari, në pronësi të një 39-vjeçari”,- njofton Policia.
Ndërkohë raportohet se në cilësinë e provës materiale u sekuestruan 2 armë gjahu, të cilat 53-vjeçari i posedonte me lejen përkatëse.
