Një aksident me vdekje ka ndodhur në fshatin Stravec të Divjakës Viktimë ka mbetur i riu Daniel Sharka. Ai ishte pasagjer në mjetin që doli nga rruga dhe përfundoi në një kanal. Drejtuesi i mjetit Mariglen Laboti mbeti i plagosur.
“Rreth orës 19:45, shtetasi M. L. duke drejtuar automjetin tip ‘Porsche’ ka humbur kontrollin mbi drejtimin e automjetit dhe për pasojë ka dalë nga rruga dhe ka rënë në kanal. Si pasojë e daljes nga rruga, ka humbur jetën pasagjeri në automjet, shtetasi D. Sh., 30 vjeç dhe është dëmtuar drejtuesi i automjetit, i cili ndodhet në spital, në kujdesin e mjekëve“, njoftoi policia.
Grupi hetimor po punon për zbardhjen e plotë të rrethanave të aksidentit, shtuan të njëjtat burime.
