Një zjarr ka rënë mesditën e kësaj të mërkure në fshatin Qelarisht në Gjirokastër.
Blutë bëjnë me dije se zjarri ka djegur një sipërfaqe toke me drurë frutorë dhe me bimësi të egër, ndërsa paraprakisht dyshohet për zjarrvënie të qëllimshme.
“Në fshatin Qelarisht, njësia administrative Petran, është djegur një sipërfaqe toke me drurë frutorë dhe me bimësi të egër. Policia vijon punën për zbardhjen e rrethanave të këtij rasti zjarrvënieje, si dhe për identifikimin dhe arrestimin e autorit/ëve’,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjitshëm Gjirokastër, për veprime të mëtejshme.
