Një punonjës i Gardës së Republikës është arrestuar në orët e vona të mbrëmjes së kaluar në Tiranë.
Autoritet policore bëjnë me dije se në pranga është vënë shtetasi Kristjan Gjini, 32 vjeç. Ai është arrestuar si i dyshuar për veprën penale “Prodhimi dhe mbajtja pa leje e armëve luftarake dhe e municionit”.
Blutë e kryeqytetit bëjnë me dije se gjatë kontrollit të kryer nga efektivët e forcave “Shqiponja” në automjetin e tij, është gjetur një armë zjarri pistoletë pa leje. Gjithashtu gjatë kontrollit janë gjetur dhe sekuestruar edhe dy aparatë telefonikë.
Ndërkohë, Komndanti i Gardës së Republikës ka firmosur përjashtimin e 32-vjeçarit nga radhës e Gardës.
Policia njofton se hetimet po vijojnë dhe materialet proceduriale u referuan në Prokurorinë Pranë Gjykatës së Shkallës së Parë të Juridiksionit të Përgjithshëm Tiranë.
