Një rast i paprecedentë ka ndodhur në Itali, ku një 50-vjeçar shqiptar u ka kërkuar efektivëve ta vrisnin, pas njohjes me masën e sigurisë arrest shtëpie.
Mediat e huaja bëjnë me dije se shqiptari u arrestua për dhunë në familje dhe iu caktua masa arrest shtëpie, pasi në muajin maj u padit nga bashkëshortja.
Disa javë më parë ai kërkoi ndërhyrjen e policisë italiane, të cilët sapo mbërritën në shtëpinë e tij, u kërkoi që ta qëllonin në kokë, sepse nuk kishte më dëshirë të vazhdonte arrestin shtëpiak, raportojnë mediat e huaja.
Ai u bëri kërkesën e pazakonte karabinierëve, me arsyetimin se nuk kontrollonte dot instinktet e tij agresive dhe do dhunonte nënën e moshuar dhe djalin.
50-vjeçari e ka shkelur sërish duke kryer sjellje të papërshtatshme ndaj familjarëve të tij, pavarësisht masës së sigurisë të 4 muajve më parë.
Kjo ka nxitur Gjykatën të pranojë kërkesën e Prokurorit të Republikës së Bolonjës duke i caktuar masën e sigurisë arrest me burg ndaj 50-vjeçarit, i cili tashmë ndodhet pas hekurave.