Është përshkallëzuar protesta që po mbahet këtë të dielë tek ‘9-katëshet’në kryeqytet nga Levizja Bashkë në mbrojtje të parkut dhe kundër ngritjes së gradaçelës.
Parku është rrethuar dhe pritet të kthehet në një kantier ndërtimi, ndërkohë disa protestues kanë hequr rrethimin dhe janë futur në park. Menjëherë ka ndërhyrë policia.
“Këta ulërasin do të bëjmë Dubai, por Dubai ngrihet mbi asgjë. Hiqni dorë, mos ju bindni një njeriu pa dinjitet. Çdo pallat që ngrihet në Tiranë është një vrasje”, u shpreh një protestues.
Mes protestuese është edhe aktivisti dhe pedagogu Ervin Goci, i cili u shpreh se ky sistem nuk do të ndalojë deri sa të ndëtojë në çdo cep të vendit.
“Kjo kauzë dhe shumë kauza të tjera, ndërtimi në Tiranë nuk ka asnjë dallim nga inceneratori. Skema e inceneratorëve ndoshta është më e shpejtë, por skema të tilla janë grabitje. Toka këtu është pasuri publike, siç mbrohen taksat duhet mbrojtur edhe prona.”, tha ai.
