Është kthyer në atdhe, makina e fundit që mbreti Ahmet Zogu përdori gjatë kohës kur qëndronte në Egjipt dhe në Francë përpara vdekjes.
Ajo ka mbërritur ditën e sotme në Shqipëri, teksa lajmin e ka bërë me dije gezetari Blendi Fevziu përmes një postimi në rrjetet sociale. Ai shkruan se makina Rover e prodhimit të limituar e vitit 1949, e porositur nga mbreti shqiptar, u përdor nga Ahmet Zogu deri në vdekjen e tij në Paris në vitin 1961. Prej shumë dekadash, makina ishte pronë e një koleksionisti francez.
“Makina e fundit qe Mbreti Zog perdori ne Egjipt dhe ne France perpara vdekjes, me ne fund kthehet ne Shqiperi. Makina Rover e prodhimit te limituar e vitit 1949, e porositur nga Mbreti shqiptar ne mergim dhe e perdorur prej tij ne Egjipt dhe me pas ne France ishte prej shume dekadash prone e nje koleksionisti francez. Ajo u perdor nga Mbreti deri ne vdekjen e tij ne Paris me 1961. Me interesimin e Ambasadorit shqiptar ne France dhe fale pasionit te Renis Bodinakut, makina Rover e Mbretit Zog me gjithe dokumentat origjinale u ble mga ky i fundit dhe sot mberriti ne Shqiperi. Do te jete pjese e muzeut qe Bodinaku do hape ne Tirane.,”-shkruan Fevziu.
