Një vajzë e re është gjetur e pajetë këtë të mërkurë poshtë urës së Dajlanit në Durrës.
Identiteti i viktimës ende nuk bëhet me dije, ndërsa dyshohet se vajza është vrarë. Burime nga policia thanë se gjatë kqyerjes që i është bërë trupi të viktimës, janë konstatuar dëmtime në pjesë të ndryshme të trupit. Mësohet se vajza është gjetur e zhveshur, ndërsa grupi hetimor ka dyshime se me të është abuzuar seksualisht.
“Rreth orës 10:35, në lagjen nr. 13 Durrës, poshtë urës së ‘Dajlanit’, është gjetur pa shenja jete një shtetase endacake ende e paidentifikuar, rreth moshës 20-30 vjeçe”, njoftoi më herët policia.
Ura e “Dajlanit” në Durrës prej më shumë se dy dekadash është kthyer në një vend ku vajza nga qytete të ndryshme të vendit përfshirë edhe Durrësin “shesin trupin” e tyre për shuma të ndryshme parash.
