Fluksi i personave që kërkojnë ndihmë pranë spitalit të Beratit si rrjedhojë e vapës ka shënuar rritje.
Më të shumtë, sipas bluzave të bardha, kanë qenë ata që vuajnë nga problemet kardiake si dhe të sëmurët diabetik.
“Kategoria më e prekur janë moshat mbi 75 vjeç dhe pacientët me sëmundje kronike, diabetikët dhe pacientët që kanë kaluar infarkte. Simptoma më e shpeshtë është hipertensioni ose gjendja me tension të ulët si pasoj e temperaturave të larta dhe si pasojë e medikamenteve.”-shprehet mjekja kardiologë Alma Bileri për TCH.
Shqetësim për mjeken kardiologë, Alma Bileri mbeten edhe moshat e reja. Kjo pasi gjatë ditëve të fundit të shumtë kanë qenë ata që janë paraqitur për ndihmë mjekësore. Ndërsa janë evidentuar dhe raste infarkti.
“Rastet më të rënda dhe mosha të reja kryesisht shfaqen me sëmundje ishemike të zemrës si pasojë e mënyrës së jetesës, duhanit alkoolit. Në qoftë se janë infarkte akute sigurisht trajtimi bëhet nëpërmjet koronografisë së urgjencës”.
Mjekja këshillon qytetarët që të evitojnë qëndrimin në diell në këto ditë të nxehta dhe të qëndrojnë në ambiente të freskëta.
