Një juri federale amerikane ka dënuar me vdekje sulmuesin që vrau 11 persona në një sinagogë në Pittsburgh në tetor 2018.
Vendimi kishte nevojë për një votim unanim nga juria prej 12 anëtarësh që të shqiptohej dënimi. Prokurorët i kishin kërkuar jurisë që të votonte për dënimin me vdekje.
E njëjta juri e shpalli të akuzuarin fajtor për të 63 akuzat që rrjedhin nga sulmi në sinagogën Pema e Jetës, i cilësuar si sulmi më i rëndë antisemitik në historinë amerikane.
Juria diskutoi për 10 orë gjatë dy ditëve dhe mori vendimin në ditën e dytë të shqyrtimit.
Robert Bowers vrau 11 besimtarë në sulm, të moshave nga 54 deri në 97 vjeç. Shtatë të tjerë u plagosën, duke përfshirë pesë oficerë policie që nxituan në vendngjarje.
