Banorët e tre fshatrave në Bulqizë kanë dalë në protestë, mesditën e kësaj të hëne për të kundërshtuar ndërtimin e një rruge në mes të pyllit.
Banorët kanë kundërshtuar një zëri punimet që po zhvillohen nga një firmë, me argumentin se po dëmton kurorën e gjelbër të kësaj zone. Në një prononcim për mediat banorët e cilësuan ndërhyrjen e firmës si të paligjshme, pasi askush nuk e di se përse po hapet rruga në masivin pyjor të kësaj zone.
Ata paralajmërojnë se nuk do të ndalen në protestën e tyre, ndërsa kërkuan nga ana e autoriteteve që të ndërhyjnë dhe të pezullojnë punimet.
