Mashtruesit online për grabitjen e parave po shtohen çdo ditë e më shumë në Shqipëri, të cilët përdorin metoda nga më të ndryshmet dhe qytetarët në mungesë të informacionit bien pre e tyre.
Madje për të mashtruash shqiptarët ka një fluks faqesh në rrjetet sociale që u futin postimeve edhe sponsorizime.
Së fundmi, disa faqesh në rrjetet sociale, tre prej tyre me emrat; “Dyqan çantash udhëtimi”, “Valixhe Super Çmim” apo “Albania Suitcase Sale”, po tentojnë të mashtrojnë shqiptarët me valixhet e kompanisë prestigjioze të valixheve “Sаmsоnite Prохis”.
Siç mund ta shihni dhe në fotot e postimeve të mëposhtme, ata hiqen sikur shesin online valixhe të kompanisë “Sаmsоnite Prохis” me çmimin qesharak 236 lekë, ndërkohë që çmimi real i tyre është nga 200-300 euro.
Në fotot, ata kanë modifikuar me montazh çmim dhe e kanë vendosur me lekë shqipatrë, si dhe kanë shkruar sikur kanë mbetur dhe 500 apo 200 copë, si dhe i kanë shkruar fjalën “zbritje” duke iu referuar çmimit. Por, gjithçka është një fotomontazh. Ndërkohë, ata mashtrojnë edhe sikur kompania ka falimentuar, ka ndërprerë bashkëpunimin me dyqanet e saj në Evropë apo në Lindjen e Mesme, por që kjo gjë nuk është aspak e vërtetë. Gjithashtu, vlen të theksohet dhe fakti se në Shqipëri, kompania e valixheve “Samsonite” nuk ka filial.
Pra, gjithçka është një mashtrim!
Personat që qëndrojnë pas kësaj gjëje, nuk kanë aspak si qëllim që të shesin valixhe, pasi nuk kanë fare të tilla, por që t’u marrin të dhënat bankarë qytetarëve dhe më pas t’u grabisin lekët.
Për të porositur, faqet iu sugjerojnë qytetarëve që të plotësojnë një formular. Dhe nga padija, nga të dhënat që qytetarët vendosin tek ai formula, mashtruesit fitojnë akses në llogaritë bankarë të tyre.
Një detaj që vihet re është dhe se tek postimet në rrjetet sociale, pjesa më e madhe e komenteve janë qytetarë të huaj, të cilët kanë bërë komente me “google translate”.
Ka shumë raste të tilla të denoncuara dhe bankat janë në dijeni të kësaj veprimtarie kriminale dhe kanë filluar të njoftojnë klientët se janë faqe mashtruese.
Qytetarët duhen të kenë kujdes dhe të mos bien pre e mashtrimit, pasi dëmi për ta më pas do të ishte shumë i madh. Në jo pak raste ka ndodhur kur qytetarëve u është boshatisur llogarie bankare pas janë mashtruar përmes faqeve në internet.
