Pak ditë më parë, Shoqata e Eksportuesbe ngriti alarmin se për shkak të rënies drastike të monedhës së euros janë drejt falimentimit, por për kryeministrin Edi Rama kjo është një histori suksesi.
Duke folur për mediat nga Tepelena, Rama tha se forcimi i lekut në këto kohë është histori suksesi, pasi në të kundërt sipas tij, do të na kishte sjellë një dhimbje koke katastrofike.
“Kam pasur një debat para pak ditësh me një prej përfaqësuesve të sektorit të prodhimit. Ne e dimë shumë mirë që në sektorin e prodhimit dhe të eksporteve ka pasur një stres jo të vogël për shkak të forcimit të lekut dhe rënies së euros në raport me lekun. Kemi pasur një konsultë të gjerë me disa ndër ekspertët më të mirë ndërkombëtarë. Mos harroni që këshilltari im për ekonominë është këshilltari i kancelares Merkel. Është një histori suksesi. Është një histori suksesi, një lek i fortë në këtë moment. Në këtë kohë kur një lek i dobët do të na kishte sjellë një dhimbje koke katastrofike është një histori suksesi. Por nga ana tjetër duhet kuptuar që është dhe një kambanë e fortë alarmi për sektorin fason. Duhet shkuar drejt ciklit të mbyllur. Ky stres jam i bindur që do nxisë një pjesë prej tyre të vrapojnë drejt ciklit të mbyllur siç kanë bërë disa të tjerë”, tha Rama.
